რატომ წავიდა როსტო ,,ნანუკას შოუდან"

ლევან როსტოშვილი, იგივე როსტო, “ნანუკას შოუდან" გაუჩინარდა.

ყოფილი წყალბურთელი 2 წელი მუშაობდა ნანუკა ჟორჟოლიანთან ერთად. რაც შოუ “რუსთავი2"-ზე გავიდა, მას მერე როსტო ტელეეკრანებზე აღარ გამოჩენილა. თბილისში ამასთან დაკავშირებით უამრავი ჭორი გავცელდა, ამბობდნენ, ნანუკამ და როსტომ იჩხუბესო, ისიც თქვეს, ნანუკა “რუსთავი2"-ზე შემცირებული “სტაფით" (შემადგენლობით) მიიღეს და როსტოს კადრიც ამას შეეწირაო.

თუ რა მოხდა სინამდვილეში, ამის გარკვევა როსტოსთან ვცადეთ.

როსტო: ერთ კვირაში მოსკოვში მივფრინავ. იქ გამგზავრება ჩემს

პირად გეგმებს უკავშირდება. სწავლის გაგრძელებაზეც ვფიქრობ და ბიზნესშიც ვცდი ბედს. ჩემი და მოსკოვში ცხოვრობს, ამიტომ მარტო არ ვიქნები. რაც შეეხება იმას, თუ რატომ არ დავბრუნდი “ნანუკას შოუში", მოგახსენებთ. სამ თვეში ერთხელ მომიწევს საქართველოში დაბრუნება და ჩაწერებს ფაქტობრივად ვერ დავესწრებოდი, ამიტომ ერთობლივი გადაწყვეტილებით ასე ვარჩიე.

მე და ნანუკა ვმეგობრობთ, ჩვენს შორის არანაირი კონფლიკტი არ ყოფილა და, სიმართლე გითხარით, “ნანუკას შოუ" ძალიან მომენატრა.

წყარო